Nye golv i Grendatun

Varmepume er ferdig montert og teken i bruk i varmestova vår ved skianlegget. Dette sørger for redusert bruk av energi til oppvarming og er eit flott enøk tiltak. Takk for støtta.

Det nye O- kartet er no ferdig og klart til bruk. Første arrangement blir Finn Fram dagen no i påska og orienteringsløp i Sunnhordlandsrankingen i mai. Takk for støtta.

Tysnes musikklag sin tradisjonelle julekonsert trekk full kyrkje kvart einaste år. Konserten er gratis for publikum, men ein har utgifter til solister og lyd. I 2024 hadde me med oss Hanna Veits på fiolin og Torleif Torgersen på piano/orgel. Takk for støtta som let oss fortsetja å halde julekonsertar av høg kvalitet- der tysnesingane får mogleiken til å høyre flott musikk og sikra julestemningen.

Me fekk enøkrapporten og valgte å starte med tiltaka som ga mest effekt, det var varmepumper for å minske bruk av straum til oppvarming. Takk for støtta.

RIL er veldig takknemlig for støtten. Rastebord er kommet på plass, basketballplate med kurv er montert. Matter og baller er allerede i bruk til småbarnstrim og trim for voksne formiddag og ettermiddag.

Laging av voll mellom standplass og skiver. Reparasjon og oppdatering av kontainer. Prosjektet er ferdigstilt.

Sluttrapport – Støtte til planarbeid for hotellutvikling

Sluttrapport på innkjøp av Soundboks og A-3 fargeprinter Lunde bygdalag har med støtte frå kraftlaget, kjøpt inn soundbox nr 2 til bruk i bygda. Spesielt i 17.mai feiringa med kortesje gjennom bygda, blir det no flott korpsmusikk gjennom 2 stk soundboksar. Våre 2 soundboksar er og til utlån lokalt. Me har og kjøpt inn ein A-3 fargeprinter og har foliemaskin til denne. Då kan me laga fine plakatar til nødvendig informasjon ut i bygda. Eit viktig hjelpemiddel for god kommunikasjon ut. Mvh For Lunde bygdalag Øystein Flakke Leiar.

Njardar/Tysnes G15 reiste til Haugesund fredag ettermiddag i kulturbussane, og heimatt søndag. 17 Tysnes ungdomar var med oss og dette er ein veldig grei gjeng å reisa på tur med. Alle går godt overeins med alle, og dei oppfører seg eksemplarisk. Laget tok seg til kvartfinale i a-sluttspelet, der det vart 1-2 tap for Åsane. Alt i alt ei flott helg der slike opplevingar trur eg er med og fyller opp «minnebanken» til gutane frå oppveksten deira på Tysnes – i håp om at dei ein dag, når dei har blitt nokre år eldre, tenkjer tilbake på desse opplevingane og at dei sjølve kan tenkja seg å busetja seg på Tysnes i framtida! Tusen takk for støtta!

21.07.24 - 27.07.24 reiste Njardar/Tysnes til Dana Cup representert ved Gutar 15 og Jenter 17. Totalt 30 spelarar i alderen 14 - 17 år var med og bidrog til at Njardar/Tysnes stillte i Dana Cup. Laga vart innlosjert i leiligheter i Blokhus med kostnad kr 5350 pr spelar og me er svært takksame for den økonomiske støtta Tysnes Kraftlag bidrar med til at me kunne reisa. Begge lag speler 11ar fotball og gjorde det svært godt til å vera ein så liten breiddeklubb som me er. Jentene tok seg vidare til 8-dels finale i A-sluttspelet, medan gutane kom til kvartfinale i B-sluttspelet. I tillegg til det sportslege, er ein slik tur viktig for samhaldet blant ungdomane våre. Spelarane budde i eigne leiligheiter, der dei sjølve måtte ta ansvar for kvarandre, lage mat, handle inn mat, fordele utgifter og halde orden. Dette gav eit enno betre samhald og denne sosiale delen er god identitetsskaping for dei unge tysnesingane.  Klubben vonar og har tru på at denne veka i Danmark har gitt dei eit minne for livet, slik at når fleire snart skal flytte på seg for utdanning og jobb, vil hugse opplevinga som Njardar/Tysnes har gitt dei og at dei i framtida har lyst å flytte tilbake til Tysnes. I tillegg til spelarar og leiarar, var det mange tilreisande tysnesingar som hadde tatt turen til Dana Cup for å heia. Om lag 80 tysnesingar var på det meste samla på cupen.

Hei, her kjem ei lita oppdatering frå Øystese cup. Me var totalt 38 spelarar og 9 vaksne som reiste innover helga 7.- 9. juni. Dette er ein flott overnattings-cup å reisa på for unge spelarar. Den er ikkje så stor, og alt ligg tilrettelagt i Øystese sentrum. Kort veg til banar og andre aktivitetar. Veldig god stemning både på og utanfor banen. Laga heia på kvarandre under kampane. Det var og mange som fekk seg nye bekjentskap frå andre lag. Alt i alt ei topp helg!

15-17.mars 2024 hadde Skihyttelagetdugnad for å opna landskapet og rydda i skog som var til fare for bydningar på Ådnastegen. På 60-talet vart det planta rikelig med gran som skulle halda støle med ved, dette var no vokst seg stort og enkelte granar var til fare for dyr og folk som ferdast i området. Denne helga samla me ca 15 stk til dugnad, og det vart det hogge mange granar, kløyvd store mengder ved, som vart lagt i småsekker. Me fekk brent ein del greiner, som gjorde til at me fekk opna landskapet opp. Noko av granen vart nytta til å laga sitjegrupper i terrenget, desse kom godt med under familiedagar me har arrangert ila året. Me har hatt det riktig så triveleg tross lange arbeidsdagar. Prosjeket pågjekk utover sommaren. Tusen takk for støtta.

Idrettslaget grusa opp veien inn til lysløypa for å kunne lage skiløyper med mindre mengder snø. 3 lass er levert ferdig utkjørt på veien, 2 lass er lagt på ei lomme langs veien til etterfylling der det vert behov

No har OUL fått i hus lydanlegget. Det består av ein Soundbox4 som har batteritid på ca 40 timer på middels styrke og kan slik nyttast utan tilgang på straum. Soundbox4 kan strøyme musikk eller lyd frå PC / telefon med god kvalitet med hjelp av blåtannteknologi. Dekker lagets behov i toget ved 17-maifeiringa og andre utandørs arrangement. Det har også ein funksjon innandørs ved møter og konferansar. Her er Sondbox4 kopla opp med mikrofon til ein talarstol

Måndag 13. november hadde Njardar/ Tysnes G8/9 sesongavslutning med pizza og utdeling av pokalar på Kompasset i Uggdal. 14 gutar og to trenarar deltok. I tillegg var nokre foreldre og søsken også med oss på Kompasset.  Alle gutane var nøgde med pizza og brus, samt pokal med eige namn på. Til neste år var det ønskje om pokal som var «ekte» (her er nok ein del som ser opp til store internasjonale fotballstjerner)! Foreldre/ søsken som deltok betalte for seg sjølv.

11.november 2023 deltok 11 elevar frå Onarheim skule i First Lego League. Åtte veker i forkant av konkurransen blei brukt til eit tverrfagleg innovativt prosjekt som skulle leggjast fram for eit dommarpanel på konkurransedagen, i tillegg til robotkonkurransen. Onarheimselevane sitt prosjekt var å byggja ein omreisande gaming-/e-sport-buss, som kunne sikra breiare deltaking og inkludering uavhengig av økonomi og sosial status. Mange av idèane til prosjektet fekk dei gjennom ein inspirasjonsdag til Bergen og VilVite-senteret. Elevane fekk 2.plass og pokal for godt prosekt og god presentasjon for dommarane. Sjølve robotkonkuransen, med sjølvbygga robotar som skulle programmerast til å utføra ulike handlingar, gjekk også veldig bra. Deltakinga i First Lego League gav elevane mykje god inspirasjon og kjekk læring.

Gjennomført energikartlegging i regi av Energihuset: Etter oppdrag fra Treco Bil AS er det gjennomført energikartlegging i forbindelse med deres eiendom på adressen; Hegglandsvegen 51, 5680 Tysnes. Energihuset vil med denne kartleggingen synliggjøre nåsituasjonen for bygget til Treco Bil AS med tanke på energiforbruk og klimaavtrykk. Hensikten er å estimere og synliggjøre hvilke energibesparelser bygget kan oppnå dersom det blir gjennomført energioptimaliserende tiltak. Vi vil belyse hvilke mulige tiltak en kan gjennomføre, for å optimalisere energiforbruket slik at bygget blir mer bærekraftig, samtidig som man vil få redusert klimaavtrykket i tillegg til energikostnadene. Energikartleggingen belager seg på innhentet informasjon fra Treco Bil AS. Energikartleggingen vil videre kunne gi grunnlag for om en finner det hensiktsmessig å gå videre i prosessen om energioptimalisering. Våre funn i denne rapporten viser at det er et stort potensial for å redusere energikostnadene og klimaavtrykket til næringsbygget, Hegglandsvegen 51.  Energihuset anbefaler å gjennomføre følgende: 1. Installasjon av inneklimasensorer Vi anbefaler å installere inneklimasensorer for å få bedre oversikt over det faktiske inneklimaet i bygget. Ved hjelp av inneklimasensorer og rapporter fra disse vil en kunne gjøre enkle manuelle tiltak på eksisterende anlegg for å kunne raskt og effektiv redusere det største overforbruket i bygget. Inneklimasensorene bør være installert i en periode på minimum 12 måneder for å se forbruk og inneklima i sammenheng med årstidene. 2. Energianalyse Energihuset sin energianalyse innebærer en befaring av bygget hvor alle tekniske installasjoner og energidrivere blir gjennomgått. Dette for å kvalitetssikre informasjonen som er benyttet i kartleggingsprosessen. I tillegg vil vi benytte termografering for å finne skjulte strømtyver og videre drone for å avklare status på tak. Energianalysen har som hensikt å identifisere hvilke tiltak som er mest hensiktsmessig å gjennomføre i henhold til kost/nytte. Energianalysen vil da også ta hensyn til det reelle inneklimaet som er målt ved hjelp av inneklimasensorene og tilhørende rapporter. Analysen skal gi en god oversikt over tiltakenes besparelsesgrad og med et tilhørende kostnadsestimat for å kunne synliggjøre kost/nytte ved hvert enkelt tiltak. Dette sees også i sammenheng med estimerte strømpriser slik at en kan få en forventet ROI i forbindelse med tiltakene. 3. Energiattest Det finnes ingen krav til gyldig energiattest for bygg under 1000m2, men det finnes unntak blant annet ved utleie og salg. Det er uansett anbefalt at alle bygg har en energiattest. Ved å gjennomføre bærekraftige tiltak vil Treco Bil AS oppnå et mer energieffektivt bygg som igjen vil gi reduserte energikostnader og klimaavtrykk.

Synfaring av utført rassikring veiskjæring Heningen – Kjevikjo. Torsdag 21/11/24 var Håvard Hillesvik og undertegna på synfaring av vegskjæring nevnt ovanfor. Vil beskriva sikringstiltaka utført i henhold til dei 5 partia av vegskjæring i rapport Januar 24: Vurdering av rasfare/steinsprang Heningen – Kjevikjo. Parti 1: Her er det utført sikrig med not som er bolta til fjell. Sikra i full høgd, ca 20m, og totalt omlag 18m lengde som overlapper parti 2 som hadde sikringsnot utført i -23. I tillleg er det strekt wire i øvre og underkant av den nye monterte nota. Parti 2 og 3: Her er det ikkje utført meir rassikring. Parti 2 allerede sikra med not og parti 3 ikkje vurdert som rasutsatt. Parti 4: Partiet har blitt renska med maskin og det er fjerna 4-5 lass med stein og jordmasser. I tillegg er det bolta ei steinblokk heilt i enden av dette partiet. Parti 5: Har bolta blokk med jordsleppe i bakkant i starten på dette partiet, 3 stk 4m lange bolter + 1 bolt i steinblokk som ligg under den først nevnte. Videre nedover mot Kjevikjo er det fjerna fleire, 5-6 stk, steinblokker med spett og wire. Også steinblokka som er nevnt ved den store eika er fjerna, denne steinblokka var for meg den med høgast skadepotensiale. Konklusjon. All bolting og montering av not er utført av Wimo Fjellsikring. Maskinrensking av veiskråninger og fjernng av lause blokker er utført av Rune’s Maskin. Ut frå min vurdering er veistrekningen fullgodt rassikra slik det blei anbefalt i skriv Januar -24. Håland 16/12/24 Geolog Helge Restad.

«Ta vare på kvarandre i jula» Tysnes Bygdekvinnelag i samarbeid med Haaheim Gaard Prosjektet er gjennomført slik det var omsøkt. Vi hadde 5 dagar med konsert og middag på Haaheim, utlevering av 100 poser med julekos til heimetenesta i kommunen.. Omsorgsenteret måtte avlyse konserten før jul og vil nå ha denne 28 februar kl 1700. På Haaheim var det totalt 283 gjester på seniormiddagane/konsert. Tiltaket har vore omtala i lokalpresse fleire gonger og breitt i So-me. Tilbakemeldingar frå gjester og pårørande for tiltaka har vore utelukka positive og skapa svært mykje glede i julehøgtida. Rammene med konsert og middag var flotte, men det var også svært stort for gjestene var å få koma samen og møte kvarandre i gode samtalar rundt borda. Mange gjester sa dette var høgdepunktet for jula. Det var utrulig flott å sjå kor mykje alle satte pris på tiltaket. Me har formidla takk til Tysnes Kraftlag på alle arrangementa for støtta som har gjort tiltaka mogeleg. Me takkar også Tysnes omsorgssenter og heimetenesta i kommunen for godt samarbeid med utdeling av gåvene. Me går ut frå de har sett den flotte artikkelen i Bladet Tysnes med bildene derfrå. Med helsing og takk Tysnes Bygdekvinnelag og Torstein husfar på Haaheim Gaard

Ettersom tidlegare elektronikk var moden for utskifting, valde Tysnes Skyttarlag å gå i gang med eit prosjekt for oppgradering av dette anlegget. Prosjektet starta opp med bestilling av nye skiver der levering av utstyr vart gjort i april/mai 2024. Før skivene vart levert måtte me også ruste opp veg bort til 200m skivene, samt fikse kulefangar-vollen bak skivene. Dette arbeidet var det Runes Maskin AS som gjennomførte. Runes Maskin sponsa Skyttarlaget med 1 lass veg-grus. Etter anbefaling frå leverandøren av dei nye skivene, Megalink, var planen å bytte ut kabelen som går mellom standplass og skivene. Dette viste seg å ikkje vere nødvendig ettersom kabelen som låg der var i god stand og kunne brukast videre. Medlemmene i styret samla seg også nokon kveldar for å tilpasse rammeverket til skivene, samt tilpasse skivene. I tillegg kopla me opp den nye elektronikken på dugnad, slik at banen var klar til bane stemnet 24.mai. Med dette sparte skyttarlaget ein stor kostnad til innleie av ekstern hjelp. Totalt har Skyttarlaget jobba 75 timer dugnad til dette prosjektet. Tysnes Skyttarlag kunne dermed ønske medlemmene velkommen til Banestemne med nye skiver, og kunne dette året stole på skiver og elektronikk og at skivene viste riktig treffpunkt. Dette er noko me har fått veldig gode tilbakemeldingar på av fornøgde medlemmer. 200m-banen er også blitt brukt mykje under jeger skyting av skyttarar som ønskjer å trene på andre hold enn 100m. Styret vil til slutt på vegne av medlemmene takka Tysnes Kraftlag AS for støtta til dette prosjektet.

Stykket er skrive av Espen Rolstad og musikken er laga av Jonas Myklebust Lima. Då prosjektet tok til, var det med Nora Nikolaisen som regissør. Midtvegs i øvingsperioden såg ho seg nøydd til å seie frå seg jobben. Det sette oss i ei knipe, men me var heldige og fekk med oss Frøydis Flotve og Veronika Flotve Røssland, som har regissert for oss tidlegare og kjenner dei fleste aktørane godt. Øvingane og oppsetjingane gjekk difor etter planen, men det kosta oss ein del meir enn det me opprinneleg hadde budsjettert med. I alt var det tjueto skodespelarar med, sytten born og fem vaksne, i alderen frå åtte til syttitre år. I tillegg deltok fem medlemmer frå Tysnes Husflidslag i utarbeiding av kostyme, to frivillige stod for sminke og scenearbeid, fem lagde kulissar og rekvisita. Denne gongen hadde me ein ny lærling på lyd og lys. Dette er ein ungdom som går i 7. klasse, og som har stor interesse for fagfeltet. Han er elev på kulturskulen nettopp innan dette faget, så dette er nok ein person me vil ha stor nytte av i åra som kjem. Han har styrt lyden for oss på alle øvingane no i haust, og han var med innleigde Fusa Lyd og Lys på alle framføringane. Øvingane tok til i slutten av august, fyrst med ei øving i veka, men på slutten vart det både to, tre og fire øvingar i veka. Øvingane og framsyninga vart denne gongen haldne i Grendatun. Me er særs nøgde med oppsetjinga, og tilbakemeldingane frå publikum er mange og gode. I alt vart det seld 302 billettar til dei tre framsyningane. Det er nesten tre fulle hus! Billettinntektene er låge samanlikna med kostnadane våre, men me har vald å halda prisane på eit nivå der alle som ynskjer å sjå på teaterframsyningane våre skal ha råd til det. Tysnes Kraftlag speler difor ei særs viktig rolle for å mogleggjera forestillingane våre. Tysnes Teaterlag er altså, som rekneskapen viser, framleis avhengig av støtte for å setja opp teaterstykka våre. Me er svært takksame for bidraget frå Tysnes Kraftlag, og håper på at de vil halda fram med å støtta prosjekta våre. Me vil fortsetja med å vera ein positiv bidragsytar til kulturlivet på Tysnes. No ser me framover mot nye prosjekt som kan engasjere unge og vaksne tysnesingar, både som aktørar, medhjelparar og tilskodarar. Allereie våren 2025 står neste store oppsetjing for tur, då er det Spelet om Olavsgildet som skal oppførast i kulturkyrkja på Onarheim for tredje gong. Nok en gong – tusen hjarteleg takk for støtta til Tysnes Teaterlag. Med venleg helsing Tysnes Teaterlag Kjetil Totland

Tysnes Frivilligsentral, barnevernstenesta og NAV samarbeidde også i år om å samla inn pengar til mat og gåver til familiar og personar som trong litt ekstra hjelp i høve jul og julefeiring. Me fekk støtte frå ulike lag, organisasjonar, bedrifter og frå private. I tillegg hadde me sett ut innsamlings-handlevogner i matbutikkane, sånn at folk kunne gje matvarer og andre daglegvarer i vognene. Me var også fleire turer til Matsentralen i Åsane, og henta kring 500 kg mat. Det blei kjøpt inn mat, daglegvarer og gåver frå lokale butikkar for totalt 42 000 kr. Målet var at alle skulle få minst ein fullverdig julemiddag, og at alle borna skulle få ei gåve som stod høgt på ønskjelista. Me delte ut mat- og gåvekassar til 33 familiar. Ikkje uventa, har lista over dei som har trong for litt ekstra hjelp, auka i takt med generell prisauke. Arrangørane la ned tilsaman 24 timar med dugnadsinnsats for å få kassane ut til alle før jul. P.v.a. alle dei som mottok kjærkomen hjelp; Tusen hjarteleg takk.

Nå er vi komt godt i gang med ballbingen. Vi har ikke fått montert alt sammen enda. Ballbingen er i sluttfasen. Kunstgress må legges i mars/april når det er rette forhold for det. Takk for støtta.

3 mann i 1time vart brukt på å montere og koble opp tv og lydplanke. Takk for støtta!

Njardar/ Tysnes G10/11 kjøpte i forkant av Øystese cup og Nordnes cup inn like treningssett til spelarane. Desse består av bukse og genser. Nokre ønskte med trykt namn/ initialer, dette er dekka av dei sjølve. Gutane var nøgde med å få nye og like treningsklede til både cupar, kampar og treningar. Takk for 50 % stønad til treningsklede. Resterande utlegg er dekka av spelarane sjølve. Onarheim, 13.12.2024 Solfrid Burkeland Smith, trenar

«Klubbhuset» Myklestad ridebane før (oppe) og etter (nede)

Seniortreffa i 2024 Det har vorte arrangert fire seniortreff i 2024; 14.mars, 30.mai, 3.oktober og 28.november. Arrangementskomitèen har hatt ei målsetjing om at kvart treff skal innehalda ein fagleg/aktuell del, eit kulturelt innslag og eit godt måltid mat med sosialt samver. Det er god, og aukande påmelding til treffa (+/- 220 personar totalt på kvart treff). Me trur at det er viktig for mange at treffet finn stad i deira eiga heimbygd. Dette gjer at fleire, sikkert av fleire grunnar, kjenner seg trygge nok til å delta. Ut frå tilbakemeldingar me får, veit me at desse treffa for mange er eit lyspunkt i kvardagen som gjev energi og ei kjensle av tilhøyr i lokalsamfunnet. Dette i seg sjølv har ein verdi som ikkje let seg måla i kroner og øre. Støtta me får frå Kraftlaget, kommunen og banken, gjer at me kan gjennomføra treffa med høg kvalitet på alt, og samtidig halda eigenandelen/inngangpengane låge. Me har tatt 200 kr. pr. person med unntak av siste treffet der me tok 300 kr. På det siste treffet vart det servert god julemat til alle, i tillegg til at alle fekk vera med på sidersmaking. (Vanlegvis tar Åkre Gard 595 kr. pr. pers. når dei held foredrag m/sidersmaking på eigen gard. For oss senka dei prisen til 150 kr. pr.pers.) Seniortreffa har blitt veldig populære, og i sin unike form, trur eg mange kommunar kan misunna oss desse. For aktørane og arrangementskomitèen blir desse treff-dagane lange og hektiske, men alle smiler etterpå likevel. Det skuldast nok den responsen og gleda ein blir møtt med på kvar plass. Ein kjenner at dette betyr mykje for dei frammøtte, og det gjev energi til å forsetja. Eg håpar at Kraftlaget ønskjer å gje si støtte til desse treffa no, og i framtida. Det har stor verdi for mange av våre seniorar i Tysnes. Tysnes Frivilligsentral v/ dagleg leiar Bente Raknes

Turstien er nå ferdig. Vi er veldig glad for deres støtte til dette prosjektet. Vi har allerede fått mange positive tilbakemeldinger på den ferdige turstien. Ser at tiltaket måtte være gjennomført innen 9. januar 2025.

Tysnes Idrettslag vil med dette takka for støtta me fekk frå Kraftlaget i forbindelse med deltaging på pinsecupen på Stord. Tysnes stilte med 3 motiverte lag, Gutar 10, Jenter 12 og Jenter 16. Alle laga hadde ein fin tur, med kjempe gode resultat og mykje kjekt sosialt. Støtta frå kraftlaget gjer at Tysnes Idrettslag ein gang i året har muligheit for og sende alle spelare på Cup med overnatting, slik at absolutt alle spelarar har like muligheiter for å delta, uavhennig av økonomi. Takk for støtta! Helsing Tysnes IL styret, spelarar, trenarar og støtte apparat G10-J12 og J13

Hausten 2022 søkte eg om midlar til innspelingsprosjekt. Hausten 2023 kom fyrste singelen «Fint her likavel». Folk let vel, og det var kjekt å endeleg gje ut eigen musikk. Litt radiospeling vart det og. I mai ga eg ut singel nr 2 «Der du står» Takk for støtta eg fekk innvilga til innspelinga av singelutgivelsane mine.

Vi vil rette ein stor takk til Tysnes Kraftlag for støtta de gjev til First Lego League Sunnhordland. Dykkar bidrag har vore heilt avgjerande for at vi kunne gjennomføre årets regionale finale, som fann stad 9. november 2024. Årets konkurranse samla heile 281 elevar i alderen 10 til 16 år, fordelt på 20 lag frå 7 kommunar i Sunnhordland og Bjørnafjorden. Gjennom kreativ problemløysing, teknologi og samarbeid fekk elevane ei unik moglegheit til å utforske programmering og ingeniørkunst. Konkurransen har ikkje berre inspirert deltakarane til å tenkje innovativt, men har òg styrkt samarbeidet på tvers av kommunane i regionen vår. I tillegg hadde vi eit stort apparat av vaksne som stilte opp for å sikre at dagen blei ein suksess. 21 dommarar frå heile regionen bidrog til å evaluere og inspirere laga. 33 frivilligestilte opp i ulike roller – som kioskmedarbeidarar, bak lyd og lys, som teknisk støtte, trafikkdirigentar og vertskap, og rundt 20 familiar leverte bakst til kiosken. Desse innsatsane viser det sterke fellesskapet som finst rundt dette arrangementet.

Onarheim idrettslag har kjøpt inn nye draktjakker med logo for OIL, Alsaker Fjordbruk, Tysnes Sparebank og Tysnes Kraftlag. Alsaker Fjordbruk har støtta innkjøpet med 1/3 av kjøpesummen, OIL søkte om å få dekt ein annan 1/3 av kjøpesummen frå Tysnes Kraftlag. Onarheim idrettslag har saman med Onarheim og Tveit Bygdalag hatt utdeling av draktjakker til nyinnflytta innbyggjarar i Onarheim sokn (inflytta dei siste fire åra). Dette gjorde me sist laurdag, 16.11.2024 (sjå biletet).

- Varmepumpe innkjøpt og installert i henhold til tilbud mottatt frå Tiko AS. For dokumentasjon av utgift ref vedlegg 1 og 2 for faktura og sluttdokumentasjon. - For å lage gjennomføring i en 40 cm tykk betong grunnmur ble det benyttet kjerneboring., Dette ble utført av LOS-Fjord som dugnadsarbeid, og det er benyttet sats for dugnad med motorsag for dette. Håper det er tilfredstillende. - Forarbeider og arbeider underveis gjort på dugnader dokumenteres med dugnadsliste og ref til vedlegg 3. Prosjektering og planlegging - dugnad Tilrettelegging for kjerneboring - dugnad Kjerneboring - dugnad, utført av LOS-Fjord Tilrettelegging for installasjon - dugnad Montere rørgjennomføring - dugnad Sluttrapport/bilder - dugnad

Kulturkyrkja blei etablert i 2015 og formålet er å styrkja forståinga av kyrkja som kulturberar i samfunnet og gje folk gode og varierte kulturopplevingar. Visjonen er at fleire skal bruka kyrkja. Kulturkyrkja har tatt mange initiativ for å skaffa Onarheim Kyrkja oppgradering av orgel, flygel, scene, lyd og lys. Det siste initiativet er å an skaffa kyrkja ein ny kyrkjeløpar, sidan den førre var svært utsliten. Takk for støtta.

Me hadde rundt 200 stk som kom på årets Hjertefred. Hjertefred er èin times konsert der me kjem i lag for å minnast dei me har mista og for å stå saman i sorga. Sorg kan vera så mangt og det kan me føla ved at livet ikke blei som èin tenkte. Eit ekteskap som ikkje er meir eller eit kjæledyr som èin har mista. Arrangementet viser at èin står ikkje aleine i det. Me er mange som har opplevd ei sorg på èin eller Anna måte.

Vi takker så mye for pengestøtten til prosjektet. Dette bidrar til at vi kan videre utvikle skyte anlegget vårt på Vevatne. Det som er utført er følgende: Drenering, legging av duk og grusing av området mellom standplass og skivestativ. Laging av skivestativ og sokler til dette. Demontering av gammel benk, laging av ny ved skivestativ. Opplasting av dekk i nedslagsfelt på 25 meter. Inst. av varsel lys og wifi pga sikkerhet. Kjøp av kontainer.

Gong- og sykkelvegen mellom OnarTun og opp til den nye barnehagen på Onarheim vart ferdigstilt i august 2024. I tillegg til gongvegen er også vegbana utvida i breidda og nyasfaltert. Prosjektet er kome i stand gjennom eit spleiselag mellom Meidell-konsernet, Tysnes Kraftlag, Vestland fylkeskommune og Tysnes kommune. Det har vorte eit flott veganlegg som knyt saman sentrale delar av Onarheims-bygda med barnehage-/skuleområdet, og sikrar tryggleik for mjuke trafikkantar. Takk for samarbeidet!

Ivyelli AS søkte Tysnes Kraftlag om tilskudd til kompetanseheving og oppgradering av kjøkkenutstyr til kaféen for å gi kundene et bredere utvalg. Det er en stadig endring i markedet, og vi må tilpasse konseptet for å klare oss i en tøff bransje på en liten plass. For å få dette til, fikk vi inn Marita Dalseid til å hjelpe til i kaféen på fredager fra mai til september. Dette har gått veldig bra, vi har fått testet ut markedet med både boller og sandwich. Bollefredag har blitt en suksess, med full kafé hver fredag. Nå har vi også fått mer kjøkkenutstyr og oppbevaring som gjør det enklere for oss å kunne utvikle og tilby et bedre utvalg av mat i kaféen fremover også. Marita Bakke i Blikk Design har designet menyer til bord, kaffe kort og menyplakater vi kan ha både inne og ute i vinduet. Vi har kjøpt 4 nye stoler, og en sofa slik at vi fikk laget den etterlengtede koselige kaffekroken der det ofte er koselige barseltreff. Takket være Tysnes Kraftlag har vi nå fått den oppstarts kompetansen vi trenger for å utvikle og drive kaféen videre. Tusen takk for støtten, det setter vi stor pris på.

Tysnes Røde Kors Hjelpekorps har fått montert varmepumpe og varmeovner, installasjonen er utført som ENØK tiltak av Tysnes RKH. Varmepumpe og ovner er levert og montert av TIKO AS. I utgangspunktet var det planlagt 2 stk varmepumper, men på anbefaling fra TIKo as så ble det beslutta å skifte ut den ene varmepumpa med energi effektive panelovner. Dette var på bakgrunn av at 1stk varmepumpe vill ha tistrekkelig kapasitet til å holde grunnvarme i de aktuelle romma, Panelovnene er da for å løfte temperaturen ved opphold i aktuelt rom. Ved å bytte ut 1stk varmepumpe med panelovner, gikk også investerings kostnadene noe ned i forhold til original søknad. Reelle kostnader kommer frem av vedlagt prosjekt regnskap.

Tysnes Kraftlag spegler dei kommunale tilskota til idrett, kultur og nærmiljøtiltak for til saman kroner 600 036,11 for 2024.

Nye vinduer og dører, etterisolert yttervegger, fjernet panelovner og montert varmepumpe og lysstyring.

Sherpastien blei offisielt åpna torsdag 11.juli 2024. Program for dagen var offisiell opning ved parkeringsplassen i Myrdal med tale av Kåre Martin Kleppe og snorklypp av styret i Venelaget Tysnessåto. Vidare var det konsert med Fay Wilhagen og tale ved Einar Wathne på Tysnessåto.

Fleire enn 20 av Tysnes Teaterlag sine medlemar og samarbeidspartnarar stilte onsdag 11. september opp til føredrag, filmframvisning og diskusjon om neste års oppsetjing av Spelet om Olavsgildet. Me fekk eit engasjert og inspirerande innspel frå Helge Jordal, ein nestor i norsk teaterverd, og syntest det var stor stas med besøket.

Tysnesfest UNG er ein av dei mest ettertrakta festivalane for barn og unge på Vestlandet. Festivalen, som blir arrangert på Tysnes kvar sommar som ein del av Tysnesfest, er eit høgdepunkt for mange og har som mål å skape ein trygg og inkluderande arena for unge deltakarar å oppleve musikk, kultur og kreativ utfalding. Årets festival var ein stor suksess, med eit breitt spekter av aktivitetar og konsertar som trekte eit stort publikum. Blant høgdepunkta var konsertane med Lisa og Tobias, kjente frå MGPjr, som sjarmerte publikum med sine fengande songar og energiske sceneshow. Deira opptreden, saman med sitt eige DanseCrew, var ein av dei mest minneverdige på festivalen. I tillegg til musikk, bød Tysnesfest UNG også på eit variert program med aktivitetar som gjekk frå teikneverkstader med Øisteins Blyant til spektakulære stunt frå Urban Circus Show og ikkje minst VitenShitShow med NRK-kjendisene Dennis Siva og Stian Sandø. Sistnemte bød på flammer, eksplosjoner og læring. Publikum vart engasjert og underholdt med spennande eksperiment og humoristiske innslag. Øisteins Blyantshow gav barna moglegheita til å lære grunnleggjande teikneteknikkar og utvikle si eiga kreativitet, medan Urban Circus imponerte med sine akrobatiske prestasjonar og fakirkunstar. Dei to tullete klovnane frå Latter Event sørga for at latteren sat laust med sitt improviserte familieteater, som inkluderte aktiv deltaking frå publikum. Ansiktsmaling og andre lett tilgjengelig aktiviteter på e-brygga gjorde TF UNG komplett. Tysnesfest UNG klarte også i år å skape ein trygg og positiv atmosfære der unge kunne utforske nye interesser, utvikle sine talent og ikkje minst, ha det gøy saman med gamle og nye vener. Med sitt mangfaldige program og høge kvalitet, er Tysnesfest UNG utan tvil ein festival som inspirerer og underheld barn og unge år etter år. I år vart Tysnesfest UNG-teltet flytta til Våge hamn på e-brygga, noko som plasserte det midt i sentrum av festivalaktivitetane på dagtid. Denne strategiske plasseringa gjorde det enklare for publikum å delta i dei mange spennande aktivitetane og opplevingane som festivalen tilbød. Med teltet midt i hjarte av festivalområdet, kunne både barn, unge og familiar enkelt finne vegen til arrangementa og nyte den livlege atmosfæren i Våge hamn. Flyttinga bidrog til å gjere Tysnesfest UNG endå meir tilgjengeleg og inkluderande for alle festivaldeltakarar. TF UNG-teltet blir drive av ungdom i samarbeid med Tysnes ungdomsråd. Dette initiativet gir ungdommen ei stemme og ansvar i å forme og leie festivalopplevinga for sine jevnaldrande. • TF UNG fredag: 166 festivalpass + 58 dagspass • TF UNG lørdag: 166 festivalpass + 223 dagspass (UTSOLGT!)

Sidan bladet Tysnes kom ut med si fyrste sommaravis i 2008 med 44 sider og i eit opplag på 10.000 eksemplar, har "Opplev Tysnes" utvikla seg til å bli eit merkenamn og ein levande turistguide for sommaropplevingar i feriekommunen vår. Avisa er blitt kjært motteke av lesarane og redaksjonen har fått mange positive tilbakemeldingar. Normalt opplag for sommaravisa har vore på vel 25.000 aviser som er blitt sendt ut til alle i Bømlo, Stord, Fitjar, Austevoll, gamle Fusa og deler av Kvam og Kvinnherad. Med Tysnesfest i spissen har lokalt næringsliv dei to siste åra hatt ønskje om at sommaravisa også skulle nå ut til tidlegare Os kommune og søndre delar av Bergen. For å få dette til vart det gjennom næringsrådet teke initiativ til å søkja Tysnes Kraftlag om midlar for å vera med å dekka inn auka trykke- og distribusjonskostnadar. Ei løyving frå Tysnes Kraftlag på kr. 64.000 i støtte til utvida distribusjon, var eit viktig bidrag til at sommaravisa 2024 med sine 88 sider, kunne trykkast og sendast ut til nærare 50.000 husstandar.

Årets 10. klasse show vart presenter 22. og 23. februar til fullsatt sal begge kveldane i Grendatun. Totalt vart det 246 betalande publikumsplassar. 10. klasse har hatt show som musikkprosjekt frå oppstart vårsemester og i show-veka var det øvingar som stod på timeplana, medan resten av timeplanen måtte vika. Elevane har sjølv bidratt med idear, laga manus og funne/satt saman kostymer. Showet bestod av film, sangar, band og dans, samt sketsjar og skodespel. Scenearbeid og programleiing stod dei og for sjølve. Primus motor var Elin Bergesen, faglærer i musikk, samt kontaktlærar for 10A. I tillegg var det eit stort dugnadsapparat blant foreldra under planlegging og gjennomføring av showet. Bladet Tysnes presenterte fylgjande reportasje etter showet:

Åmli Driftweekend 2-4 August (Foto av Ole Ebert Photo).

Tysnes Kraftlag har støtta Øykjaskoro Vel med tilskot til oppgradering av Klokkargarden leikeplass, som var ca halvparten av dei totale kostandane ifm prosjektet. Det har blitt gjort store forbetringar på plassen. Det har blitt gjennomført gravearbeid for å utnytte tomta betre, og drenere den. I tillegg har det blitt kjøpt inn og montert nye, flotte leikeapparat, og køyrd til fallsingel for at det skal vere eit trygt underlag som er godkjent for leikeplassbruk. Leikehytta har blitt flytta på, og det har blitt montert gjerde og port for å sikre barna som leikar på leikeplassen mot trafikken som køyrer forbi. Oppgraderinga av leikeplassen har vore eit omfattande prosjekt, og det har vore ei delfinansiering frå andre aktørar som SIM, Ildsjelefondet og Tysnes Kommune. Me er svært takksame for støtta Tysnes Kraftlag har bidrege med, og me håpar at mange barn vil få gleda av leikeplassen i framtida!