Last ned søknadsmal for næringsfond

Formål:

• Tysnes Kraftlag sitt næringsfond skal brukast til å fremma nyskaping, innovasjon og næringsutvikling i Tysnes kommune.
• Næringsfondet skal ha ein utløysande effekt på tiltaket som vert starta.
• Tildelingar basert på desse retningsliner skal på ingen måte skapa presedens for andre tilskot. 
• Retningsliner vil bli vurderte av styret på årleg basis, og kan bli endra og eller avslutta utan forvarsel. Inngåtte avtaler vil ikkje bli påverka av endringar i retningslinene.

Storleik:

• Samla beløp i næringsfondet kan vere opp til 500.000,- per år.
• Beløpsgrense i enkelttildelingar kan vere opp til 50 000.-
• I særskilde saker kan styret vurdera enkeltildeling opp til 75 000.-

Kva kan det søkjast støtte til:

• Etablering av nye næringsverksemder.
• Bedriftsutvikling/nyskaping i eksisterande verksemder.
• Generelt utviklingsarbeid, lokalsamfunnstiltak o.l. med tanke på auka næringsetablering, sysselsetting og busetnad.

Kva kan det ikkje søkjast støtte til:

• Garantiar til, eller kommunal aksjeteikning i private bedrifter.
• Gjeldssanering, ordinær drift eller til ordinære kommunale oppgåver.
• Kommunalt heil- eller deleigde bedrifter kan ikkje få støtte.
• Etableringar som vil konkurrere med etablert verksemd i kommunen på ein uheldig måte.
• Generell driftsstøtte.
  
  

Korleis søkja:
 

• Søknader om støtte frå næringsfondet skal vere skriftleg, og søknadsskjema ligg på nettsidene  til Tysnes Kraftlag AS.
  
  

Verdi på avtale: 

• Beløpsgrense i enkeltsøknader inntil 50 000 kr og i særskilde tilfelle 75 000 kr.
• Støtta skal verta gitt som tilskot.
• Tilskotet vert gitt som ein eingongssum.
  
  

Utbetaling: 

• Utbetalingar skjer i etterkant av kvartalsvise styremøte.

Dokumentasjon: 

• Søknader skal innehalda rekneskap, budsjett, kostnadsoverslag, finansieringsplan, forretningsidé  og vurdering av marknad.
  
  

Kvalitetssikring av søknad:
Tysnes Kraftlag vil normalt kanalisera søknader videre til Atheno for kvalitetssikring, herunder følgjande:

• Gjennomføre ei vurdering utifrå faste kriteria.
• Leggja fram skriftleg anbefaling for styret.
• Gje tilbakemelding og ha kontakt med søkjar.

Vedtaksprosess og løyvingar 

• Søknader om støtte vert avgjort av styret i Tysnes Kraftlag AS etter tilråding frå ekstern forvaltar. 
• Tilråding skal skje på grunnlag av ein kvalitetsmessig vurdering av kvart enkelt prosjekt.

Krav til tilskotsmottakar 

• Rapportere inn korleis tildelte midlar vert nytta. 
• Synleggjering av tilskot skal nemne Tysnes Kraftlag AS i medieomtale

Utbetaling:

• Utbetaling av tilskot skjer etter mottak av sluttrapport som inneheld ein rapport med bilete, kostnadsoversikt, faktura eller annan dokumentasjon på gjennomføring av tiltaket. Informasjon blir vurdert av to styremedlem i Tysnes Kraftlag før utbetaling av tilskot.

Annonsering 

• Alle løyvingar, herunder sum og namn på mottakarar, vil bli offentliggort
• Avslag på søknader vil bli nemnt i antal, utan namn, på nettsida.

RETNINGSLINER FOR NÆRINGSFOND, BASERT PÅ STRATEGI VEDTATT I GENERALFORSAMLING 2019

Utarbeida av AM, godkjent av styret i Tysnes Kraftlag AS, 17. juni 2019, endra i styremøte 20.september 2019. Endra i styremøte 03.10.2023.