Retningslinjer for Speglingsordninga kultur/idrett:

1. Formål

Speglingsordninga skal bidra til å styrke og støtte det lokale kultur- og idrettslivet i Tysnes kommune. Ordninga skal sikre jamstilte tilskot og oppfølging av aktivitetar, reiser og arrangement i regi av frivillige lag og foreiningar. Ordninga skal bidra til laget si drift og støtte til mindre prosjekt og aktivitetar.

2. Omfang

Ordninga gjeld for alle lag og foreiningar innan kultur og idrett som har verksemd i Tysnes kommune.

3. Forvaltning

• Søknader går til Tysnes Kommune som er sakshandsamar. Ordninga vert forvalta og fordelt til målgruppa av Tysnes kommune etter kommunen sine retningslinjer.
• Tysnes Kraftlag vil spegla kommunen sine tilskot med like store beløp, inntil årets ramme. Tildeler kommunen midlar utover ramma, vert det gjort ei proporsjonal avkorting frå Kraftlaget slik at ramma ikkje overskridast
• Tilskot vert utbetalt direkte frå kommunen og Kraftlaget etterbetaler sin del etter oppmoding og sluttrapport frå Tysnes kommune. Tilskot vert normalt utbetalt kalenderåret etter løyvinga frå Kraftlaget er gjort.

4. Økonomisk ramme

• Beløpsramma for speglingsordninga vert sett på Tysnes Kraftlag sin årlege Generalforsamling i juni. Pt er ramma kr 750 000 per kalenderår.

5. Avgrensingar og presiseringar

• Speglingsordninga skal dekka mindre arrangement eller korte turar
• Innkjøp av drakter og anna driftsmateriell under kr 10 000.
• Slike utgifter fell utanfor ordninga og vert ikkje handsama som eigne søknader. Lag og foreiningar som får støtte, treng ikkje levere sluttrapport og dokumentasjon på gjennomført aktivitet før utbetaling vert gjort.
• Kraftlaget held fram med å gi støtte til lengre reiser i samband med konsertar, turneringar eller tilsvarande aktivitetar, med ein sats på kr 750 per deltakar.
• Lag og foreiningar som får slik støtte, må levere sluttrapport og dokumentasjon på gjennomført reise før utbetaling vert gjort.

 

Oppdatert 03.11.2025

Vedtatt i styret 28.11.2025

Einar Wathne