Mandat for Tysnes Kraftlag sitt fond for Omdømmebygging og PR

1. Formål

Fondet skal bidra til å styrkja Tysnes kommune med organisasjonar og næringsliv sitt omdømme og synleggjera kommunen sine mange kvalitetar, med mål om å:

• Tiltrekkja nye innbyggjarar og næringsaktørar.

• Auka tilstrøyminga av turistar.

• Styrke lokal stoltheit og tilhøyrsel.

2. Bruksområde

Fondsmidlar kan tildelast tiltak og prosjekt som:

• Marknadsfører Tysnes som ein attraktiv stad å bu, besøkja og driva næring.

• Profilering gjennom digitale og tradisjonelle medium.

• Støtter arrangement og aktivitetar på Tysnes med regional eller nasjonal synlegheit.

• Bidreg til produksjon av profileringsmateriell, film, foto, kampanjar m.m.

• Fremmer innovativ og berekraftig merkevarebygging av Tysnes.

• Skal ikkje nyttast til å fremja einskildverksemder eller organisasjonar, mens felles marknadsføring for fleire fell inn under ordninga

3. Målgrupper

Tiltaka kan rettast mot:

• Potensielle tilflyttarar (familiar, unge vaksne, arbeidstakarar og gründerar).

• Turistar og besøkjande frå inn- og utland.

• Næringsliv og investorar.

• Media og opinionen generelt.

4. Rammer for fondet

• Både verksemder og organisasjonar kan søkja

• Det vert ikkje satt krav om størrelse på eigeninnsats, men eigeninnsats vil bli vektlagt ved tildeling

• Alle tiltak som vert støtta skal marknadsførast på Kraftlaget sine nettsider under eigen fane

4. Forvaltning

Fondet blir forvalta av Tysnes Kraftlag, som:

• Set årleg ramme for utdeling.

• Utarbeider retningslinjer for søknad og tildeling.

• Behandlar og vedtek søknader, gjerne i samarbeid med Tysnes kommune og lokalt næringsliv.

• Skal sikra at bruken av midlar er transparent, målretta og i tråd med formålet med fondet.

5. Rapportering og evaluering

Mottakarar av støtte skal levera fullstendig sluttrapport om resultat og effekt.

Tysnes Kraftlag skal årleg gjera ei evaluering av bruken og verknaden av fondet.

Vedtatt 2.9.2025