Tysnes Næringsråd - Finansiering Omdømmeprosjektet - Tysnes Gjev Meirsmak

Del 1 - Oppstart

I første del av 2022 vart det gode arbeidet med marknadsføring av Tysnes gjev meirsmak på heimesida og i sosiale media vidareført. Camilla Korsnes og Blikk design jobba stødig og målretta med å marknadsføre bedrifter, arrangement og naturopplevingar til eit stadig aukande publikum. Prosjektet var styrt av styret i Tysnes Næringsråd, og tenester kjøpt frå lokale aktørar.

Tysnes næringsråd takkar så mykje for støtta til prosjektet, det hadde ikkje blitt til utan TKAS!

Del 2 - Interimfase

Tysnes næringsråd, saman med Tysnes Kraftlag og Atheno, jobba aktivt med å etablere eit aksjeselskap med dagleg leiar som skulle ta over drifta av prosjektet.

Selskapet «Tysnes gjev meirsmak AS» vart stifta 1. april 2022.

I interimfasen, frå etablering 1. april og vidare frametter har de vore viktig å oppretthalde aktiviteten i prosjektet, med Camilla Korsnes på foto og Blikk Design på heimeside, for å halde på følgjarar og vise kva me hadde å by på gjennom høgsesongen for våre medlemmar i sommar og fram mpt jul.

Frå 1. september var dagleg leiar på plass i 60% stilling.

Dei første tre månadene ho har vore i arbeid, har store delar av drifta gått med til bedriftsbesøk til medlemmane for høyre kva for tankar dei har om framtida for si bedrift, om dei ønskjer å utvide/endre drifta, høyre kva for informasjon dei har om turistar og kva dei etterspør og informere om Meirsmak og kommunens avtale med Atheno.

I tillegg har det gått med tid til å etablere kontakt med næringsråd i Sunnhordland, Atheno, Geopark Sunnhordland, Visit Sunnhordland og Visit Bergen, Vestland fylke, landbruksnæringa på Tysnes og andre aktuelle samarbeidspartnarar både lokalt og i regionen.

Oppstart av aksjeselskapet har også kravd tid med etablering av kontor, rekneskapssystem, budsjettarbeid og rutinar for dagleg drift.

I slutten av oktober vart det arrangert ei næringssamling for rundt 30 medlemmer i Tysnes næringsråd. Arrangementet var i samarbeid med Tysnes kommune og Atheno. Tema for samlinga var presentasjon av Invest i Sunnhordland, presentasjon av Meirsmak-prosjektet og en presentasjon av Atheno og kva dei kan hjelpe til med for gründera og næringsdrivande som ønskjer utvide verksemda si.

I all hovudsak har dagleg leiar arbeidet med å identifisere og vurdere dei viktigaste satsingsområda for Tysnes gjev meirsmak i 2023, samt planlegge og søke støtte til dei prosjekta selskapet ønskjer å gjennomføre det første driftsåret.

Tysnes næringsråd takkar så mykje for støtta til prosjektet, det hadde ikkje blitt til utan TKAS!