Tysnes kommune - Støtte til Geopark skilt på Tysnes

Steinar Dalland • September 4, 2024

 I mai 2024 vart to skilt montert i Tysnes kommune, eit dobbeltskilt på kaien i Våge og eit enkelt skilt på bakken vis a vis Jokerbutikken på Onarheim. Plassering av skiltet på kaien vart drøfta med Tysnes kommune v/Ingrid Tysnes Stue og ordførar Synnøve Bakke, samt klarert av Vestland Fylkeskommune etter søknad til Daniel Melve Kvarme. Mandelhuset v/ Patrick Madsen vart også forespurd med positiv respons.
Tanken var at skiltet på Onarheim skulle stå ved parkeringsplassen på Årbakka, men der stod det alt to skilt av ulik type, og eit tredje skilt med av anna type men delvis samanfallande informasjon ville ikkje ha vore til gagn for området. Me fekk difor løyve av grunneigar Gerhard Alsaker, via butíkksjef Lea Quistgard på Joker, å setje skiltet vis a vis butikken.

Skilta er produsert i solid corten-stål og aluminium og montert av EKH Grafisk i Molde. Grafisk design er gjort av Zpirit reklamebyrå på Stord. Alt innhald er levert av Geopark Sunnhordland. Folien kan lett skiftast for vedlikehald eller justering av innhaldet, og skilta kan fjernast utan andre spor enn skruehola i kaien. Onarheimskiltet står på nedgroven, flyttbar betongsokkel.

Opdal Ungdomslag - Oppgradere golv i Grendatun

By Henrik Aakre • April 23, 2025
Nye golv i Grendatun

Onarheim Idrettslag - Enøk tiltak varmepumpe

By Morten Nordal • March 21, 2025
Varmepume er ferdig montert og teken i bruk i varmestova vår ved skianlegget. Dette sørger for redusert bruk av energi til oppvarming og er eit flott enøk tiltak. Takk for støtta.

Onarheim IL - Nytt Orienteringskart

By Jon I. Skjolde • March 14, 2025
Det nye O- kartet er no ferdig og klart til bruk. Første arrangement blir Finn Fram dagen no i påska og orienteringsløp i Sunnhordlandsrankingen i mai. Takk for støtta.

Tysnes musikklag - Innleigd solist

By Lars P. Epland • March 14, 2025
Tysnes musikklag sin tradisjonelle julekonsert trekk full kyrkje kvart einaste år. Konserten er gratis for publikum, men ein har utgifter til solister og lyd. I 2024 hadde me med oss Hanna Veits på fiolin og Torleif Torgersen på piano/orgel. Takk for støtta som let oss fortsetja å halde julekonsertar av høg kvalitet- der tysnesingane får mogleiken til å høyre flott musikk og sikra julestemningen.

Haaheim Gaard - Enøktiltak

By Torstein Hatlevik • February 27, 2025
Me fekk enøkrapporten og valgte å starte med tiltaka som ga mest effekt, det var varmepumper for å minske bruk av straum til oppvarming. Takk for støtta.

Reksteren Idrettslag - Støtte til treningsmateriell

By Jorunn Vonheim Grahl • February 20, 2025
RIL er veldig takknemlig for støtten. Rastebord er kommet på plass, basketballplate med kurv er montert. Matter og baller er allerede i bruk til småbarnstrim og trim for voksne formiddag og ettermiddag.

Tysnes Sportsskyttarklubb - laging av voll og reparasjon på conteiner

By John Arvid Kleppe • February 18, 2025
Laging av voll mellom standplass og skiver. Reparasjon og oppdatering av kontainer. Prosjektet er ferdigstilt.

Mandelhuset Eigendom - Arbeid med reguleringsarbeid

By Patrick Russell Madsen • February 9, 2025
Sluttrapport – Støtte til planarbeid for hotellutvikling

Lunde Bygdalag - Innkjøp av A-3 fargeprinter og Soundboks

By Øystein Flakke • February 9, 2025
Sluttrapport på innkjøp av Soundboks og A-3 fargeprinter Lunde bygdalag har med støtte frå kraftlaget, kjøpt inn soundbox nr 2 til bruk i bygda. Spesielt i 17.mai feiringa med kortesje gjennom bygda, blir det no flott korpsmusikk gjennom 2 stk soundboksar. Våre 2 soundboksar er og til utlån lokalt. Me har og kjøpt inn ein A-3 fargeprinter og har foliemaskin til denne. Då kan me laga fine plakatar til nødvendig informasjon ut i bygda. Eit viktig hjelpemiddel for god kommunikasjon ut. Mvh For Lunde bygdalag Øystein Flakke Leiar.

Njardar/Tysnes - Regy-cup 2023

By Torstein Fjeldet Lunde • February 9, 2025
Njardar/Tysnes G15 reiste til Haugesund fredag ettermiddag i kulturbussane, og heimatt søndag. 17 Tysnes ungdomar var med oss og dette er ein veldig grei gjeng å reisa på tur med. Alle går godt overeins med alle, og dei oppfører seg eksemplarisk. Laget tok seg til kvartfinale i a-sluttspelet, der det vart 1-2 tap for Åsane. Alt i alt ei flott helg der slike opplevingar trur eg er med og fyller opp «minnebanken» til gutane frå oppveksten deira på Tysnes – i håp om at dei ein dag, når dei har blitt nokre år eldre, tenkjer tilbake på desse opplevingane og at dei sjølve kan tenkja seg å busetja seg på Tysnes i framtida! Tusen takk for støtta!
Les meir