Tysnes Kommune - Stønad til eldretreff 2022
Støtte til arrangement for seniorar i fem grender
Seniortreffa i frivilligheitas år 2022
Vi har i 2022 arrangert 4 seniortreff og ein eldredag. Datoane er 24. februar, 28. april, eldredagen den 30 september og ein vanleg seniordag den 1. desember. I snitt har besøkstalet lege stabilt i overkant av to hundre. På seniordagen den 1. desember var det besøksrekord med 38, på Reksteren, 43 i Uggdal, 65 i Våge, 35 i Lunde og 53 på Tveit/Onarheim. Til saman 234 menneske.
Tema er valt ut frå kva som vi har fått innspel om og som vi trur vil interessera denne målgruppa (over 65 år). Vi har sett saman programmet av ein seriøs opplysnings del og litt lettare underhaldning. Mat har alltid avslutta med servering frå «Meirsmak Tysnes-bedrifter»
Sjølve konseptet: Seniortreff i fem bygder har i Tysnes-målestokk vore ein kjempesuksess. Vi hadde ikkje nådd ut til så mange om vi skulle hatt alt på ein plass. Å framføra same budskapet fem gonger, spreidd ut over heile dagen, har nok vore utfordrande for artistane, men med mat og positive klapp på skuldra, har dei fått energi til å halda ut.
Den økonomiske støtta frå Tysnes Kommune, Tysnes Sparebank og Tysnes Kraftlag har vore heilt avgjerande for å få dette til. Bygdelaga har fått ei oppblomstring og vi håpar dei sit att med litt i overskot etter seniortreffa. Leiar for «råd for menneske med nedsett funksjonsevne og eldreråd»: Helge Hauge har delteke med heile tida og vore til uvurderleg hjelp med val av tema og praktisk gjennomføring.
Vi har på tampen av året fått kommunegaranti på 50 000 kr. slik at vi er i ferd med å innstille oss til å arrangere 4 -5 seniortreff i 2023. Vi håpar Tysnes Kraftlag er med oss vidare til Tysnes-samfunnet sitt beste.
Mvh
Per Verner Aase
Leiar Tysnes Frivilligsentral
