Tysnes ungdomslag - Skisseprosjekt - oppussing av Vonheim til 100 års jubileet 2023

Tysnes Ungdomslag – har ynskje om å starta eit prosjekt med sikte å gje Ungdomshuset Vonheim i Våge eit kraftig løft opp i mot 100-års jubileet i 2023. Me takkar Tysnes Kraftlag for tilskot slik at me kan begynne på dette forprosjektet.

Prosjektgruppa har jobba fram til ein visjon som handlar om å bygge om og utbedre det eksisterande bygget, som vil gje funksjonaliteta eit skikkelig løft fram mot huset sitt hundreårsjubileum i 2023.

Omfanget av prosjektet er av ein sånn skala at prosjektgruppa har vurdert at det vil bli naudsynt med eitt eller fleire forprosjekt, der ein må nytte ekstern kompetanse med erfaring frå denne typen byggeprosjekt til å utgreie kostnadar og kva som er mogleg.

Det har vore møte med Aslaksen bygg og anleggsteknikk AS.

Tilbodet til Aslaksen bygg og anleggsteknikk ligg vedlagt og består i beskriving og pris av:

- Skisseprosjektering

- Forprosjekt

Med bakgrunn i tilbodet, kapasitet i organisasjonen, tidsperspektiv, mogleg finansiering m.m. vurderar me at det på noverande tidspunkt er ynskeleg å gå vidare med skisseprosjektering av fase 1. I tilbodet til Aslaksen bygg og anleggsteknikk har dette ein kostnad på kr 30 469,- inkl mva.

Dette består i:

Prosjekteringa av ombygging/utbetring av Vonheim, der me noverande tidspunkt har skissert følgjande (fase 1):

• Ombygging i sal- og sceneområdet der ein ser på moglegheita for å senke/fjerne den
• Opphøgde scena som er der i dag, og opne opp innramminga av eksisterande sceneområde.
• Opne kinoframvisingsrom - til galleri og/eller lyd/lysteknisk,
• Opne taket/ta vekk buetaket om mogleg, isolering tak, lyddemping tak,
• Oppgradere elektrisk anlegg,
• Varmepumpeoppvarming,
• Nytt golv,
• Lysrigg, enkelt lydanlegg,
• Gardiner til vegger i salen (lysisolering),
• Oppussing/ombygging av lokala i 1.etg med oppopning til meir praktiske areal, som skal kunne nyttast adskilt frå resten av huset, med til dømes eigen inngang og eigne toalettfasiliteter. Dette er tiltenkt at skal ha fokus på å bli «ungdommens» lokaler,
• Oppussing av eksisterande toalett,
• Ombygging/oppussing av eksisterande garderobeanlegg med fokus på å få fungerande fasilitetar som kan nyttast til garderobeanlegg og lager for teater, revy og andre forestillingar.

Me ynskjer derfor herved å søkje Tysnes Kraftlag om tilskot. Me ynskjer å gjennomføra eit skisseprosjekt i forbindelse med å pussa opp Vonheim i Våge til 100års jubileet i 2023. Eit ombyggingsprosjekt som vil løfta huset inn i framtida. Sjå vedlegg. Etter skisseprosjekt er det planlagt eit forprosjekt med innhenting av priser, detaljert planlegging av oppussinga m.m. Til slutt blir det byggeprosjekt og gjennomføring av ombygginga dersom skisseprosjekt og forprosjekt blir vellukka.

Med beste helsing

Prosjektgruppa «Vonheim – oppussing til 100-års jubileet»

Irene Dalland – leiar Tysnes Ungdomslag Steffen Opdal – Kasserar Tysnes Ungdomslag Johanne Dalland – Vara, styret Tysnes Ungdomslag