Oppgradering av kjøkken i det gamle Tinghuset

Då kan Tysnes Bygdekvinnelag seia seg ferdig med prosjekt oppgradering av kjøkken i det gamle Tinghuset. To ivrige damer tok på seg oppgåva, og med uvurderlig praktisk hjelp frå ektefeller, er vi godt nøgde med resultatet. Vi såg etter kvart at dette vart meir omfattande, og dyrare, enn vi hadde sett føre oss. Våre søknadar om sponsormidlar frå andre aktørar enn dei vi tidlegare har fått hjelp av, gav negativt resultat. Vi sette difor i gang ei kronerulling og eit stort lotteri, og bygdekvinner og andre tysnesingar sine bidrag var overveldane, slik at vi kunne gå i gang og få ferdigstilt prosjektet vårt.

I søknaden til Tysnes Kraftlag bad vi om hjelp til å finansiera ny oppvaskmaskin. I den oppstilte sluttrekneskapen har vi teke med 30 dugnadstimar. Dette er berre det som er brukt på å riva den gamle oppvaskbenken, setja opp vasstette kjøkkenplater og få på plass oppvaskbenk og oppvaskmaskin. Utgifter til elektrikar og røyrleggjar er betalt via Tysnes kommune, slik at vi har sluppe moms på desse utgiftene.  

Dersom de støttar oss med dei omsøkte 20 000, vil vi truleg koma i pluss på rekneskapen vår. På utgiftssida har vi ikkje teke med innkjøp av brukt komfyr og to nye panelomnar for å sikra oss mot at vi får frost på det nye røyropplegget. Heller ikkje utgifter til maling av vegger og tak. Vi har elles fått benkeplate og kjøkkenpanel gratis, og antal dugnadstimar brukt på vask, maling og anna nærmar seg 60 timar i tillegg til det som gjekk med til å få på plass oppvaskmaskin- og -benk. Overskotet som vi eventuelt set att med, skal brukast til innkjøp av bestikk og dekketøy, og på sikt lyt vi investera i ny, større varmtvasstank.                                                                                                               

Vi har allereie gjennomført fleire samlingar i det oppussa Tinghuset. Sogelaget hadde lanseringfest for biografien om Johannes Heggland, og høgtideleg opning av huset. Tysnes Bygdekvinnelag har hatt fleire medlemsmøter her, og no sist var vi vertskap for regionsmøte i Hordaland Bygdekvinnelag. Kjøkkenet har vorte brukt ved alle desse høva, og oppvaskmaskinen og den nye oppvaskbenken innfrir krava til god kjøkkenhygiene.