Matskattar - Sjølvbetent lokalmatbutikk
Bakgrunn for prosjektet:
Beskriving av bakgrunn for prosjektet/tiltaket/investeringa: Me mangler ein stad i Våge der ein kan få tak i lokalprodusert mat og varer. Småskala produsentar har ikkje
anledning til å jobba seg inn til grossist og mangler ein salskanal på Tysnes. Me har
mange flinke produsentar på Tysnes og i omegn. Me ynskjer å tilretteleggja for desse.
Prosjektmål:
- Lavterskel salskanal
- Gje alle som handlar på Tysnes moglegheit til å handla lokal og kvalitetsvarer.
- Skapa auka aktivitet i Våge sentrum
Forventa resultat i forkant av prosjektet:
- Meir sal og dermed bærekraftig utvikling for lokale matprodusenter og bønder.
- Meir sal og aktvitet til dei andre verksemdene i Våge sentrum.
- Utvikling av fleire lokalmatkonsept og utviding av eksisterande på Tysnes og omegn.
Plan for gjennomføring
Opning til julesesongen 2022. Evaluering august 2023.
Nøkkelproblem og utfordringar:
- System for å visa kunden kven dei skal betala til
- Nok engasjement og sal til at det er bærekraftig vidare.
Konseptet:
- Sjølvbetent lokalmatbutikk der kundar betalar med VIPPS direkte til produsent.
- Ope samme tid som Ivyelli i samme bygg
- Produsentar har sjølv ansvar og risiko for sine varer
- Tydelige skilt og merka varer med betalingsinfo til dei ulike produsentane
- Oversikt over produsentar som selte varar i butikken:
- Fru Aarvik
- Garden på Dalland
- Vossabia
- Lynghaugane møbelverkstad
- Myrdal gard
- Tveitakjerring
- Lygre Livsgard
- Gjengevoll Mangesysleri
- Isrosa
- Bøkampen utegangarlam
- Siw Raw
- Tysnesfellen
- Homlagarden
- Heljetunet
Resultat:
Den sjølvbetente butikken «Matskattar» opna i november 2022, og hadde bra sal i forbindelse med julehøgtida 2022. Attendemeldingar frå kunder og lokalbefolkning var svært god, og mange var veldig nøgd med tilbodet.
Utover vinteren stoppa salet nesten totalt, med unntak av bakervarer utvalte laurdagar «Fru Aarvik» hadde utsal. Dei andre produsentane selte ikkje mange produkt og det blei dårleg sal gjennom vinteren og våren. Både «Garden på Dalland» og «Fru Aarvik» nytta sine SOME kanalar for å markedsføra for den sjølvbetente butikken, og sjølv om me fekk mange gode ord og attendemeldingar på SOME var det lite omsetning i sjølve butikken.
Salet tok seg litt opp når sommaren kom, men det var langt i frå det ein kan sjå som berekraftig då ingen utanom «Fru Aarvik» hadde omsetning til å vera interessert i å betala husleiga. Etter å ha evaluert salet og hatt dialog med alle produsentane som hadde varer i butikken, blei det bestemt at det ikkje ville vera mogleg å vidareføra konseptet. Butikken blei rydda vekk i utgangen av september 2023.
Måla som blei satt og som ikkje blei nådd:
× Meir sal og dermed bærekraftig utvikling for lokale matprodusenter og bønder.
×Meir sal og aktvitet til dei andre verksemdene i Våge sentrum.
×Utvikling av fleire lokalmatkonsept og utviding av eksisterande på Tysnes og omegn.
Konklusjon:
Måla blei ikkje nådd og slik me ser det er det fleire moglege grunnar til det:
- Betalingssystem. Ein del kundar hadde ikkje moglegheit til å betala med VIPPS (til dømes utenlandske turistar, eldre mennesker)
- Opningstida var for kort (10-16, måndag-laurdag)
- Kundegrunnlaget på Tysnes er for lite.
- Plassering kan vere ein grunn, spesielt parkering kunne vera utfordrande.
- For lite marknadsføring
- For varierande tilbod i vareutvalet gjennom året, og for lite informasjon om kvifor det var slik. (sesongvarer f.eks)
Bortsett frå at salet uteblei, er me veldig nøgd med å ha testa konseptet. Mange har vist interesse frå andre fylker og småstader og blitt inspirert til å muligens gjennomføra liknande konsept. Det syns me er stas! I tillegg byggja mange produsentar nettverk seg i mellom, og underteikna fekk erfaring med logistikk, marknadsføring, oppfølging. Fleire kundar fekk og kjennskap til fleire lokale produsentar i lokalmiljøet.
Me vil takka for moglegheita og vil sei at me syns forsøket var vel verdt (dei mange timane) med tanke på lærdom og nettverksbygging.
