Mandelhuset og Lynghaugane Møbelverkstad - Samarbeidsprosjekt Design og utvikling av bærekraftige restaurantmøbler

Mandelhuset og Lynghaugane Møbelverkstad sette seg eit ambisiøst mål i eit marked oversaturert av lite bærekraftige løysingar: å utvikla og innovera innan restaurantbordmarkedet. Dette målet har me nådd, og som ein ekstra gevinst, har me klart å bryta gjennom i markedet med ein stor første salgsordre for Lynghaugane Møbelverkstad. Dette framstår som ein solskinnshistorie. Prosjektet er no fullført, og ein prototype er utvikla. Det neste logiske steget er å patentere produktet, finpussa det, og marknadsføre det for sal både nasjonalt og internasjonalt.

Lokalt samarbeid og gjennomføringa av dette er av stor viktighet. Kombinasjonen av ein felles ide og ønsket om samarbeid, støtta av risikokapital frå Tysnes Kraftlag, gjorde dette prosjektet mogleg. Det har blitt utført med begrensa finansielle midlar. Den praktiske utføringa og designet er skapt av Aleksander i Lynghaugane Møbelverkstad. Samspel, møter med bekjente og støtte frå "gode hjelpara" har vore uvurderleg. Me kan ikkje understreka nok kor viktig godt lokalt samarbeid er. Ofte er det vanskeleg å identifisera problemet i eit prosjekt. I dette tilfellet såg Mandelhuset og Patrick eit problem i bransjen, og gjennom samarbeid med Lynghaugane Møbelverkstad og Aleksander, fant me løysinga. Uten Lynghaugane Møbelverkstad og støtte frå Tysnes Kraftlag, kunne dette problemet ha forblitt uløyst. Samarbeid er nøkkelen til framtida!

Prosessen

I prosjektet for å utvikla bærekraftige restaurantmøblar, har Lynghaugane Møbelverkstad i samarbeid med Mandelhuset designa, utvikla og produsert ein prototype, og i prosessen også sikra seg ein ny kunde.

Kjernen i prosjektet var utforminga av bordbeina til eit restaurantbord, der målet var å kombinera samanleggbarheit med vakker utsjånad.

Det blei lagt vekt på funksjonalitet som ein restaurant treng, bærekraftig produksjon og estetisk tiltalande design.

Utfordringa låg i konstruksjonen av koblinga mellom ein rund trefot og bordplata. Det blei utført omfattande designarbeid for å utvikla ulike løysingar. Problemstillinga var enkel: Beina skulle kunne leggast saman eller fjernast frå bordet, samtidig som dei måtte vera stabile nok for bruk i restaurant. I tillegg skulle løysinga vera økonomisk gunstig og bærekraftig produsert. Det blei designa fleire løysingar, der nokre vart 3D-printa. Ei viktig utfordring var at løysinga ikkje skulle kreva bruk av verktøy eller mykje tid for samanslåing/demontering. Internasjonale leverandørar vart kontaktet for å finna ferdige produkt, men dette førte ikkje fram.

Den første løysinga, kalla “bajonettkoblinga”, var brukbar, men blei avvist grunna kostnad og styrke. Tre leverandørar vart førespurt, og to tilbod vart mottekne på henholdsvis 2000 og 3000 kroner per fot, frå Fusa Mekaniske, Askim Mekaniske og Os Mekaniske.

Leverandøren for den valde patenten blei smeden Eyvind Sørfonn frå Nordtveit, som tilbaud ein konkurransedyktig pris og rask levering av delane til prototypen. I alt blei det designa fire ulike løysingar, og to av desse vart produsert i full skala hos underleverandørar. Den fjerde patenten blei vurdert som tilstrekkeleg god til å presentera for kunde og blei montert på eit prototypebord. Bordet, som er rundt og 160 cm i diameter, skulle fungere som ein prototype og presenterast for leiinga på Fløyen i Bergen.

Prosjektet for å utvikle bærekraftige restaurantmøblar har allereie vist seg å vera ein suksess. Det valde designet, skal ikkje berre nyttast på dei nye borda til Mandelhuset, men også på borda i den nye restauranten på Fløyen i Bergen. Lynghaugane Møbelverkstad er valt som leverandør av alle 14 borda i selskapslokalet, samt 8 bord til den eksklusive delen av restauranten. Lynghaugane Møbelverkstad blei valt fordi me satsar på bærekraft, brukar kortreiste materialar frå Tysnes, og har funne ein god måte å kombinera estetikk, funksjonalitet og bærekraftige råvarer på.