Kulturkontoret AS - First Lego League 2024
Vi vil rette ein stor takk til Tysnes Kraftlag for støtta de gjev til First Lego League Sunnhordland. Dykkar bidrag har vore heilt avgjerande for at vi kunne gjennomføre årets regionale finale, som fann stad 9. november 2024. Årets konkurranse samla heile 281 elevar i alderen 10 til 16 år, fordelt på 20 lag frå 7 kommunar i Sunnhordland og Bjørnafjorden. Gjennom kreativ problemløysing, teknologi og samarbeid fekk elevane ei unik moglegheit til å utforske programmering og ingeniørkunst. Konkurransen har ikkje berre inspirert deltakarane til å tenkje innovativt, men har òg styrkt samarbeidet på tvers av kommunane i regionen vår. I tillegg hadde vi eit stort apparat av vaksne som stilte opp for å sikre at dagen blei ein suksess. 21 dommarar frå heile regionen bidrog til å evaluere og inspirere laga. 33 frivilligestilte opp i ulike roller – som kioskmedarbeidarar, bak lyd og lys, som teknisk støtte, trafikkdirigentar og vertskap, og rundt 20 familiar leverte bakst til kiosken. Desse innsatsane viser det sterke fellesskapet som finst rundt dette arrangementet.
Gjennom First Lego League skaper vi eit verdifullt læringsmiljø for barn og ungdom, der dei får utvikle både teknologiske og sosiale ferdigheiter. Dette gir ringverknader som strekkjer seg langt utover konkurransen, og gjer regionen vår attraktiv for framtidas teknologar og innovatørar.
Vi er utruleg takksame for støtta frå Tysnes Kraftlag, som har gjort det mogleg å inspirere så mange unge menneske. Vi håper de ser verdien av det vi har oppnådd saman og vil halde fram med å støtte dette viktige initiativet i framtida. Med vennleg helsing, Sabine Graeff *stolt* prosjektleiar First Lego League Sunnhordland
