Heggland psykologtjenester - TRYGG MAMMA digitale og fysiske kurs
Bilete frå kursopplegg
Fyrst av alt vil eg takka for støtta og trua på meg og mitt prosjekt. Næringsfondet har gjort at eg har fått etablert ei ny verksemd, utvikla eit tilbod for gravide/kvinner i barsel og jobba med mange modige kvinner det siste året. Eg vil takka for mogelegheita!
Etablering av ei ny verksemd og utvikling av rettleiingsprogrammet Modertreet.
Eg har tileigna meg mykje kunnskap i løpet av prosjektperioden og deltatt på fleire digitale kurs, fysiske minikurs/foredrag i Bergen og omheng, samt RBUP sin vidareutdanning i perinatal mental helse i Oslo. I starten av prosjektet nytta eg god tid på å innhente
tilbakemeldingar frå fagpersonar gjennom nettverket eg danna meg i Oslo samt gjennom mødre som har vært med i prosjektet om konseptet. Eg fekk nyttige innspel om alt frå val av tittel og til korleis gå fram. Prosjektet har difor endra seg noko undervegs i perioden.
Mitt mål om å lage program for tre ulike målgrupper vart endra til tre ulike program for same målgruppe og heller tenke kvalitet framfor kvantitet. Eg har i prosjektperioden utvikla TRYGG MAMMA som eit digitalt og fysisk gruppeprogram for gravide og kvinner i barsel. Eg har også utvikla eit minikurs «fødsel og barselforberedande kurs» i samarbeid med den tverrfaglege klinikken Bergen Kvinnehelse.
TRYGG MAMMA integrerer kunnskap og forsking på perinatal helse med eigenerfaringar frå ulike mødre. I prosessen har eg hatt fleire dybde intervju med kvinner med ulik erfaring knytt til svangerskap og barseltid. Intervjua er filma og nytta i kursmateriellet. I tillegg har eg
filma intervju med to jordmødrer og ei mamma med eit spedbarn som har illustrert ulike sentrale tema i kurset. Eg nyttar Modellen modertreet i undervisninga. Der røtene representerer alt ein tar med seg inn i svangerskapet, stammen representerer det
psykologiske svangerskapet og blada representerer konkrete meistringsstrategiar i møte
med utfordringar.
Det fysiske og digitale TRYGG MAMMA kurset er bygd opp med 5 modular. Eg har nytta kursplattforma Kajabi for å laste alle deler opp slik at klientar kan delta på kurset frå mobil, nettlesar og app. Eg har nytta kartlegging med Edinburgh postnatal depresjonsskår (EPDS)
før og etter deltaking på TRYGG MAMMA for å vurdere effekt, samt eige evalueringsskjema av kvar enkelt modul. På minikurset har eg berre nytta digitalt evalueringsskjema for vurdering og vidareutvikling.
Mål
Som resultatmål hadde eg å lage tre ulike rettleiingsprogram som rekk innbyggarar og kommunar i regionen innan utgangen av 2025. Eg har endra resultatmålet til å lage eit kurs for gravide og kvinner i barsel, men i tre ulike formar (fysisk, digitalt og minikurs).
Mitt mål om å utvikle rettleiingsprogram digitalt slik at dei har ein kapasitet som kan dekkje alle kommunar i Sunnhordaland regionen innan de neste to åra er framleis gjeldande. Eg har oppnådd mitt effektmål om å auka deltakarane sine evner til å hjelpa seg sjølv og
identifisere personar i risiko for å utvikle alvorleg psykisk liding. Har brukt kartlegging før og etter kurs for å måle effekt.
Næringsfondet har gjort at eg har fått etablert ei ny verksemd, utvikla eit tilbod for gravide/kvinner i barsel og jobba med mange modige kvinner det siste året. No har bedrifta og prosjektet komen opp på beina. Eg har gjennomført eit pilotprosjekt og fått testa ut tilbodet både fysisk og digitalt- samt i miniformat, med gode tilbakemeldingar. Eg har store tankar om vegen vidare.
Eg vil takka for at de har satsa på førebygging og psykisk helse!
Takk for støtta :)
