Venelaget Tysnessåto - Sherpatrapp byggetrinn 2, del 1

Garderobar og toalett er malt, både veggar og tak. Det er skifta golvbelegg og i alt 4 dørar. Vidare er 3 dørar i møtesalen skifta. Garderobane har gjennom oppgraderingsarbeidet fått ei skikkeleg «ansiktsløfting» og vert tenelege for framtidig bruk. Båtlaget er særs takkksame for at styret i Tysnes Kraftlag AS har gjeve tilskot til dette viktige oppgraderingsarbeidet.

Takk for støtta til tavla og tavlehuset, lysing i bladet Tysnes, materiale, skruer, tau og dugnad når til bygginga av trapp og festing av tau for nedstigning.

Dei yngste deltakarane som treng at foreldra er med drar på bading i terapibassenget i OS badet. Kvinnherad kommune låner ut bassenget i Hatlestrand til oss to dagar i veka fram til jul. Løysinga gjer at samtlige 12 symjekurs har fått tilbod om regelmessig symjeopplæring fram til jul dog med redusert frekvens på treningane. Det er vanskelig å kunna tilby eit fullverdig opplegg pga begrensa kapasitet og lang reiseveg. Men me er oppteken av å kunna tilby noko med god kvalitet. Elitegruppa vår får trening ein gong i veke (mot normalt 2) med dei andre gruppene får trening annankvar veke. Det var noko redusert frammøte totalt sett. Difor noko reduserte kostnader enn budsjettert. Det har tært på å få dette til med mykje reising fram og tilbake. Men tilbodet har vorte svært godt motteke.

Hålandsneset Grendahus er flittig brukt til sosiale tilstellingar og private markeringar for bygdefolket. Vi ser at huset må stadig oppgraderast for at det skal framstå som eit attraktivt samlingspunkt. Dei siste oppgraderingane med byte av vindauge vil gjere bygget lunare og vi vil halde oppvarmingsutgiftene nede. Oppgåva vart løyst på framifrå måte av Andersland Bygg i veke 11. Måling utvendig vert gjort på dugnad seinare på sommaren sidan det er nytta trykkimpregnerte materialar. Måling innvendig vert gjort på dugnad i løpet av sommaren. Hålandsneset Grendalag takkar varmt for støtta.

Me vil takka Tysnes Kraftlag for at De ville støtta prosjektet vårt. Det er omsider no ferdigstilt. Var ein del venting på leverandører. Ventilasjonsanlegget er no tatt i bruk, og fungerer godt.

Aksjon Krafttak mot kreft - Leige av bussar. Leg ved kjekke bilete som syner aktive skuleborn og barnehageborn som har gått til topps på Blåbærhaugen. Det var også ny deltakarrekord på årets aksjon med over 3000 turgåarar. Det var til tider kø for innskriving i turboka.

Jegerprøvekurs Tysnes skule 8.mars var 27 elevar frå Tysnes skule på skytebanen på Flatråker. Dei fekk prøvd rifleskyting og hagleskyting. For mange var dette fyrste gangen dei tok i eit jaktgevær. Dei fekk kunnskap om sikkerheit og korleis dei skulle oppføre seg på ein skytebane med våpen. Dei fekk skyte mange skudd med både rifle og hagle. Mange jegerprøvekurs nytter berre salong gevær. Elevane våre fekk prøve å skyte med fleire typer kraftige jakt rifler, og hagler. Tysnes kraftlag har vore med å gjere dette mogleg med å sponse 50% av kostnadane til ammunisjon. Dette setter instruktørar, og ikkje minst elevane svært stor pris på. Tusen takk!

Lundegrend idrettslag søkte om midlar til ei utviding av Naturleikeplassen i Lio i Lunde. Her er det ofte born og leikar og plassen har no har fått ei flott hengebru. Denne er mellom to trær og har allereie skapa mykje glede hos borna. Takk til Tysnes kraftlag som støtta oss med midlar til å realisere denne. Laget har leigd inn han som har laga resten av leikeplassen som driv eit einmannsforetak. Han gjer arbeidet etter dei reglane som er nødvendige og forhalde seg til ifht til born og leikeplass.

Julegåveaksjonen: 2023 vart vanskelegare for mange enn tidlegare år. Den generelle prisstigninga har gjort at mange hadde lite att når faste utgifter var betalt. I underkant av 100 000 kom inn i tillegg til eit bugnande gåvebord på frivilligsentralen. Fagforbundet Tysnes, Utdanningsforbundet, Tysnes Sparebank og Tysnes Kraftlag er dei største givarane til aksjonen. Pengane er nytta til matkassar, nyttige gåver og litt godsaker til dei små. Dette har vore eit samarbeidsprosjekt mellom Frivilligsentral, NAV og Barnevern. Saman med givarane har vi gjort julehelga litt lysare for mange. Vi takkar for gåva frå kraftlaget og håpar på støtte også i 2024.